ព័ត៌មានអំពីខេត្តកំពង់ឆ្នាំង

ខេត្តកំពង់ឆ្នាំង ជាខេត្តមួយ ស្ថិតនៅភាគកណ្តាលនៃប្រទេស កម្ពុជា។ ខេត្តកំពង់ឆ្នាំង ជាខេត្តល្បីខាងផលិតក្អមឆ្នាំងមានគុណភាពល្អ អំពីដី។ ខេត្តជិតខាងគឺ (ពីខាងជើងតាមទ្រនិចនាឡិកាវិល) កំពង់ធំ កំពង់ចាម កណ្ដាល កំពង់ស្ពឺ និង ពោធិ៍សាត់។ ក្រុងទីរួមខេត្តកំពង់ឆ្នាំងគឺក្រុងកំពង់ឆ្នាំង។

តំបន់ភ្នំ

ភ្នំតាពី ស្ថិតនៅភូមិភ្នំតាពី ឃុំកំពង់ហាវ ស្រុកកំពង់លែង ចំង៉ាយប្រហែល ១០គីឡូម៉ែត្រពី ទីរួមខេត្តកំពុងឆ្នាំង ។

ភ្នំតាពី

ភ្នំតារាជ ជាកន្លែងដែល ប៉ុល ពត បង្ខំអ្នកទោសឱ្យឆ្លាក់ថ្មភ្នំ ដែលមានប្រវែង ២០០ម៉ែត្រ ទទឹង ២,៨ម៉ែត្រ និងកម្ពស់ ៦ម៉ែត្រ។ក៏មានភ្នំតូចធំមួយគ្របដណ្តប់ដោយដើមត្នោត។ ខ្យល់បរិសុទ្ធមានច្រើនក្រៃលែង។

ភ្នំតារាជ

តំបន់ប្រាសាទបុរាណ

ប្រាសាទកំពង់ព្រះ

ក្រុមប្រាសាទកំពង់ព្រះសាងសង់អំពីថ្មភក់និងឥដ្ឋក្រហម បែរមុខទៅទិសខាងជើង ពោលគឺបែរមុខទៅរកបឹងទន្លេសាប ដែលនៅជិតនោះប្រមាណតែ ១គីឡូម៉ែត្រប៉ុណ្ណោះ។ បើយើងពិនិត្យទៅលើផ្នែកស្ថាបត្យកម្មប្រាសាទ យើងអាចសន្និដ្ឋានបានថា ក្រុមប្រាសាទកំពង់ព្រះ កសាងនៅក្នុងសម័យមុនអង្គរ

ប្រាសាទស្ទុតតី

ប្រាសាទស្លុតតី ប្រាសាទថ្នមប្ដី ជាប្រាសាទឥដ្ឋសម័យបុរេអង្គរ ដែលនៅសេសសល់តួប្រាសាទចំនួនពីរ ដែលទ្រុឌទ្រោមគួរសម។ទីតាំងនេះជាក្រុមប្រាសាទឥដ្ឋសង់ខ្វែងគ្នាដោយមានតួបីខាងមុខ នៅសល់តែពំនូកឥដ្ឋ និងប៉មពីរខាងលិច ឃើញនៅសល់រូបរាង។ប្រាសាទទាំងនេះរាងបួនជ្រុងស្មើរត់ជួរជើងត្បូង បែរមុខទៅកើត មានស៊ុមទ្វារថ្មភក់ និងមានទ្វារបញ្ឆោត ស្ថិតនៅតាមទិសសំខាន់ផ្សេងទៀត។