ព័ត៌មានអំពីខេត្តបាត់ដំបង

ខេត្តបាត់ដំបង ជាខេត្តមួយរបស់ប្រទេសកម្ពុជា នៅភាគពាយ័ព្យឆ្ងាយនៃប្រទេស។ ខេត្តជាប់ព្រំប្រទល់ខាងជើងមានខេត្តបន្ទាយមានជ័យ ខាងជើងខាងកើតនិងខាងត្បូងខេត្តពោធិ៍សាត់នៅខាងកើតសៀមរាបនិងខាងលិចខេត្តប៉ៃលិន។ ចុងខាងជើង និងខាងត្បូងនៃព្រំប្រទល់ភាគខាងលិចនៃខេត្ត បង្កើតបានជាផ្នែកនៃព្រំដែនអន្តរជាតិជាមួយប្រទេសថៃ។ លើសពីនេះ បឹងទន្លេសាបបង្កើតបានជាផ្នែកនៃព្រំប្រទល់ភាគឦសានរវាងខេត្តសៀមរាប និងខេត្តពោធិ៍សាត់។

តំបន់ប្រាសាទបុរាណ និងភ្នំ

ប្រាសាទភ្នំបាណន់

ប្រាសាទភ្នំបាណន់មានរាងចតុកោណកែងមានបណ្តោយប្រវែង៦០ម៉ែត្រនិងទទឹង៤០ម៉ែត្រ មានប្រាង្គប្រាសាទចំនួន៥ ដែលប្រាង្គ៤សងខាងតំណាងឲ្យទ្វីប ឬទិសធំៗទាំង៤ ឯប្រាង្គធំ កណ្តាលកម្ពស់២៥ម៉ែត្រ តំណាងឲ្យភ្នំព្រះសុមេរុ។ ប្រាសាទភ្នំបាណន់ជាស្នាព្រះហស្ថដ៏ល្អឯកនៃព្រះបាទឧទយាទិត្យវរ្ម័នទី១ក្នុង គស១០៥០ និងបានបង្ហើយការស្ថាបនាដោយ ព្រះបាទជ័យវរ្ម័នទី៧ក្នុងគស១១១២។

ប្រាសាទស្ទឹង

រាសាទស្នឹងជាគោលដៅទេសចរណ៍វប្បធម៌មួយ ដែលមានទីតាំងស្ថិតនៅភូមិ ស្នឹងខាងកើត ឃុំស្នឹង ស្រុកបាណន់ ស្ថិតនៅភាគខាងលិចនៃទីរួមខេត្តបាត់ដំបង ដែលមានចម្ងាយប្រមាណ២២.៥៨ គីឡូម៉ែត្រ ដោយធ្វើដំណើរតាមផ្លូវលេខ ៥៧។ ប្រាសាទនេះត្រូវបានកសាងឡើងក្នុងកំឡុងសត្សវតិ៍ទី១២ ដោយបែងចែកជា ពីរផ្នែកគឺ ប្រាសាទស្នឹងខាងកើត និងប្រាសាទស្នឹងខាងលិច។

ភ្នំសំពៅ

ភ្នំនេះមានកំពស់ប្រមាណ១០០ម៉ែត្រ ចំងាយ១២គីឡូម៉ែត្រពីក្រុងបាត់ដំបង។ លើខ្នងភ្នំតំបន់កំសាន្តចែកជាបីសំខាន់ៗ ទី១ កំពូលភ្នំមានព្រះវិហារដែលអ្នកអាចមើលឃើញពីចំងាយហៅថា "ប្រាង" ទី២ "ល្អាងផ្កាស្លា" ទី៣ "គិរីរម្យ" ។ ប្រាងគឺជាកន្លែងសម្រាប់ប្ររព្ធពីធីបុណ្យសាសនាផ្សេងៗ ហើយអ្នកទេសចរណ៍អាចមើលទេសភាពវាលស្រែដ៏ធំល្វឹងល្វើយពីលើខ្នងភ្នំនៅត្រង់តំបន់នេះបានយ៉ាងល្អ។

តំបន់កម្សាន្ត

ណូរី

ការជិះរថភ្លើងឬស្សី ឬហៅថា ន័ររីស គឺជាមធ្យោបាយធ្វើដំណើរតែមួយគត់ដែលរកឃើញនៅតាមជនបទនៃប្រទេសកម្ពុជា ហើយផ្តល់ជូនអ្នកទស្សនានូវបទពិសោធន៍ដ៏រីករាយ។

ហ្វារពន្លឺសិល្បៈ

ទីភ្នាក់ងារបារាំងសម្រាប់ការអភិវឌ្ឃគាំទ្រអង្គការហ្វារពន្លឺសិល្បៈ បានដាក់ឱ្យដំណើរការគម្រោងសិល្បៈ ដែលមានលក្ខណៈបង្កើតថ្មីនៅខេត្តបាត់ដំបងក្នុងគោលបំណងរំលេចឲ្យឃើញពីបញ្ហាប្រឈម និងចក្ខុវិស័យតាមរយៈទិដ្ឋភាពដ៏គួរឱ្យចាប់អារម្មណ៍មួយផ្សេងទៀតនៃសិល្បៈ ។