សេចក្តីផ្តើម
មុននិងយើងដាំប៉េងប៉ោះ យើងត្រូវជ្រើសរើសពូជប៉េងប៉ោះណា ដែលបាន រក្សាទុកល្អ គ្មានជំងឹ និង គ្មានការបំផ្លាញពីសត្វល្អិតចង្រៃ ។ ក្នុងការដាំប៉េង ប៉ោះ យើងត្រូវមានសំភារៈដូចជា ស្លឹកចេក និងកន្លាស់សំរាប់ខ្ទាស់កន្ទោង គ្រណាត់ខ្ចប់ និងចានសំរាប់ត្រាំគ្រាប់ពូជ ចបកាប់ ប៉ែល និង ចបចក់សំរាប់ដាំ ជីកំប៉ុស្តនិងដី ធុងទឹកផ្កាឈូក គ្រាប់ពូជ ឬស្សីសំរាប់ធ្វើចំណារ កំទេចចំបើង ខ្សែ និង កៅស៊ូប្លាស្ទិច ។ យើងត្រូវយកគ្រាប់ពូជទៅត្រាំទឹកក្តៅឧណ្ហៗ ( ប្រហែល ៤៥ អង្សាសេ ) រយៈពេល ១៥នាទី រួចលាងសំអាតទឹកធម្មតា ។ បន្ទាប់មក ត្រូវផ្អាប់គ្រាប់ ពូជនៅគ្នុងក្រណាត់សើម រយៈពេលពី ២ ទៅ ៣ថ្ងៃ ដើម្បីអោយគ្រាប់ពូជដុះពន្លកល្អ ។ យើងត្រូវដាក់ល្បាយដីលាយជី( ដី៣ភាគ ជីកំប៉ុស្ត ១ភាគ ) ទៅក្នុងកន្ទោងស្លឹកចេក ។ យកគ្រាប់ពូជចំនួន ៣គ្រាប់ទៅ ដាក់ក្នុងកន្ទោង ឬថង់ ( ជំរៅ១ ស.ម) ។ យកដី ឬកំទេចចំបើងគ្របពីលើអោយ ពេញ ។ ស្រោចទឹកអោយជោកព្រឹកល្ងាច រយៈពេល៣ថ្ងៃ រួចស្រោចបន្ត១ថ្ងៃ ម្តង ។ រយៈពេល១០ថ្ងៃក្រោយ កូនប៉េងប៉ោះនឹងដុះឡើង ។ យើងត្រូវដករំ លស់វាចេញខ្លះ គឹទុកតែ១ដើមក្នុង១កន្ទោងដើម្បីអោយវាថ្លោសល្អនិងរឹងមាំ ។ រួចស្រោចជីកំប៉ុស្តទឹក ១អាទិត្យម្តង ( ជី ១លីត្រ លាយជាមួយទឹក ៥០លីត្រ ) ដើម្បីបំប៉នកូនប៉េងប៉ោះ អោយដុះលូតលាស់បានល្អ ។
.jpg)
