រមណីយដ្ឋានទឹកឈូ
ទឹកឈូ ជារមណីយដ្ឋានធម្មជាតិ មានទឹកជ្រោះហូរធ្លាក់ពីភ្នំដំរី ភ្នំកំចាយ ហូរខួបប្រាំងវស្សាប្រកបដោយទឹកថ្លាឈ្វេងត្រជាក់ស្រឹប ហូរកាត់លើផ្ទៃថ្មដាតូចធំជាច្រើន ដែលផ្តល់ជាកន្លែងងូតទឹកកំសាន្តសប្បាយជាមួយនឹងខ្យល់អាកាសបរិសុទ្ធត្រជាក់ចិត្ត។
ភ្ញៀវទេសចរជាតិ និងអន្តរជាតិ ធ្វើដំណើរចេញពីផ្សារសាមគ្គីខេត្តកំពត ទៅស្ពានព្រែកកំពតឆ្លងកាត់ស្ពានបន្តិចបត់ស្តាំទៅត្រង់ប្រមាណជា៨គីឡូម៉ែត្រ ពេលនោះនឹងប្រទះភ្នែកឃើញផ្លូវទឹកហូរមួយ ដែលហៅថា រមណីយដ្ឋានទឹកឈូ។
តំបន់រមណីយដ្ឋាននេះដែរ ក៏សំបូរដោយផ្លែឈើជាច្រើនផងដែរ ដូចជា ធូរ៉េន មង្ឃុត សាវម៉ាវ ម្នាស់ ក្រូចថ្លុង ម៉ាក់ប្រាង ទៀប ដូង។ល។ លើសពីនេះទៀតក៏មានហាងលក់អាហារជាច្រើនកន្លែង ដែលភ្ញៀវទេសចរមួយចំនួនតែងតែសរសើរពីមាន់ដុតទឹកឈូមានរស់ជាតិឆ្ងាញ់ចាប់មាត់ជីបៗ និងគ្រឿងសមុទ្រផ្សេងៗ។